Mediat turke përhapën me shpëjtësi lajmin se aktori Çağatay Ulusoy, ose siç e njohim Sarp nga seriali turk “I Infiltruari”, dhe aktorja me origjinë shqiptare Gizem Kacara, mund të dënohen me 4 vite dhe 2 muaj burg, nën akuzat e trafikimit të lëndëve narkotike.
Madje u njoftua se aktori turk rrezikon të humbasë rolin e tij të ri në serialin e “Netflix” që po xhirohet momentalisht.
Mirëpo duket se Çağatay Ulusoy nuk shqetësohet edhe aq shumë për këtë situatë. “Enn Magazine” ka arritur ta fotografojë aktorin teksa pushon në bregdetin e Turqisë. Ulusoy shoqëronte mikun e tij Kivanç Tatlıtuğ, në pushimet së bashku me bashkëshorten e “Xhensurit” Başak Dizer. Ata u panë duke pushuar në jaht.
