Ajo ka pasur një vit të jashtëzakonshëm, publikoi këngën e re, u emërua si e famshmja më e ndjekur në “Instagram”, i dha fund romancës së saj me The Weeknd dhe u ribashkua me ish-in, Justin Bieber.
Dhe viti i Selena Gomez sapo u përmirësua, pasi ylli u cilësua si “Femra e Vitit” nga “Billboard”.
Pas marrjes së titullit të lakmuar muajin e kaluar, 25-vjeçarja tani ka pozuar në mënyrën që nuk e kishit parë kurrë.
Selena pozon pa reçipeta, me trendin e xhaketës me prerjen e thellë dhe flokët e shkurtra ngjyrë kafe.
Me makijazhin e errët dhe me një pamje të një femre që do të tregojë se nuk është më e njëjta, Gomez na dëshmon me këtë foto se të gjithë ndryshojmë.
“Ajo nuk ka frikë të thotë atë që mendon dhe ka mbështetur personat në nevojë. Jemi të emocionuar ta nderojmë se “Femra e Vitit”.
Këngëtarja do të nderohet në mbrëmjen gala “Women in Music” me çmimin, më 30 nëntor. Ajo do t’i bashkohet emrave që janë nderuar si “Femra e Vitit”: Lady Gaga, Taylor Swift, Pink, Katy Perry, Fergie, Beyonce dhe Madonna.
Burimi: Daily Mail
