Në dita e nesërme, 1 tetor, do të ndryshojë procedura për riaplikimin për pasaportë!
Sipas procedurës së re të njoftuar nga ministri i brendshëm, Sandër Lleshaj, për të riaplikuar për pasaportë nuk do të duhet formular policie, pasi qytetarët duhet të paraqiten pranë zyrave të aplikimit duke kursyer kohë dhe shpenzime.
Ashtu si për kartën e identitetit, edhe për pasaportën, më parë duhet të caktojmë një orar online, në mënyrë që të shmangen radhët në sportele.
“Nga nesër mund të ri-aplikoni për pasaporta me procedurë të thjeshtuar, pa formular policie. Qytetarët që kanë nevojë të ri-aplikojnë për pasaporta udhëtimi, tashmë nuk kanë nevojë të shpenzojnë kohë pranë policisë për të plotësuar formularë, por mund të paraqiten menjëherë pranë zyrave të aplikimit. Kjo është një risi që do të kursejë kohë e shpenzime për shtetasit shqiptarë që tashmë e kanë shumë më të thjesht procedurën e ripajisjes me dokumente biometrike”, shkruan Lleshaj.
Një risi tjetër sipas ministrit, e cila ka kohë që ka ndodhur, lidhet me faktin që për qytetarët që aplikojnë për karta identiteti dhe që janë mbi moshën 75-vjeçare, ajo lëshohet pa afat vlefshmërie që do të thotë që kushdo që ka kaluar moshën 75 vjeç dhe aplikon për të marrë një kartë identiteti, kjo e fundit lëshohet pa afat skadence.
/Iconstyle.al
