Me ardhjen e sezonit të verës të gjithë kemi qenë dëshmitar se si personazhet e famshme shqiptare kanë nxituar të ndryshojnë ngjyrën apo gjatësinë e flokëve për ta bërë pamjen e tyre sa më të freskët dhe për të ndjekur tendencat më të fundit të modës.
Në përgjithësi kemi vënë re një mani gati masive të tyre për tu bërë bjonde, saqë edhe ato që janë brune kanë filluar të mendojnë për të bërë një ndryshim në ngjyrën e flokëve të tyre. Mirëpo ndërsa jeni duke menduar se si ta rifreskoni edhe ju ngjyrën tuaj të flokëve ne ju vijmë në ndihmë duke iu treguar se cilat janë nuancat më të bukura të bruneve sipas vajzave të famshme shqiptare.
Flokë të zeza pis nuk është ideja e parë që iu shkon ndërmend gjatë sezonit të verës, mirëpo ju sigurojmë se nëse do ta provoni do të dashuroheni me të. Këtë na e vërtetojnë edhe këngëtaret shqiptare Zaimina Vasjari dhe Samanta Karavella, të cilat prej vitesh nuk e ndryshojnë këtë ngjyrë.
1-ZaiminaVasjari
2-Era Istrefi
3-Samanta Karavella
Nëse nuk keni guximin të provoni ngjyrën e zezë pis, ju sugjerojmë të eksperimentoni me ngjyrën çokollatë të errët sikurse e ka moderatorja Elita Rudi. Pamja juaj do të duket natyrale dhe tepër e kuruar në çdo moment. Jo vetëm kaq, por kjo ngjyrë nxjerr më në pah tiparet e fytyrës suaj.
1-Elita Rudi
2-Dhurata Dora
3-Xhensila Myrtezaj
Për një pamje sa më të ëmbël dhe tërheqëse ju sugjerojmë ngjyrën çokollatë me karamel, e cila është ngjyra e preferuar e Angesa Vuthajt dhe Kidës. Kjo është ngjyra perfekte për stinën e verës duke qenë se ajo reflekton rrezet e diellit të çel jashtëzakonisht shumë në fytyrë.
1-Agnesa Vuthaj
2-Kida
3-Liberta Spahiu
Ndërsa një nga zgjedhjet më trendi të ngjyrës së flokëve është bronde, as bjonde e as gështenjë, por të dyja të përziera tek njëra-tjetra. Pjesa e poshtme e flokëve lyhet me ngjyra të errët, ndërsa pjesa e sipërme lyhet me tonalitete më të çelëta.
1-Elvana Gjata
2-Nora Istrefi
3-Eva Murati
*Kujdes! Ndalohet riprodhimi i këtij materiali pa lejen e redaksisë së Iconstyle.al
