Ish-futbollisti i Kombëtares shqiptare, Klodian Duro, është vënë në pranga nga policia e Tiranës mesnatën e 25 marsit.
Ish-futbollisti u arrestua në flagrancë pasi theu urdhërin e mbrojtjes që gjykata kishte vendosur për ish-bashkëshorten e tij.
Ndaj Duros rëndon akuza e kanosjes dhe përndjekjes ndaj ish-partneres.
Kjo e fundit e kishte akuzuar vazhdimisht ish-futbollistin për dhunë fizike e psikologjike, si dhe kanosje nëpërmjet SMS-ve.
Pas divorcit, ajo kishte marrë një urdhër mbrojtjeje, ndërsa në momentin që Duro ka shkuar në shtëpinë e saj, ish-bashkëshortja ka njoftuar menjëherë në telefon policinë.
Duro ka thënë se kishte shkuar thjesht për ta takuar.
Futbollisti gjithashtu ka thyer urdhrin e qeverisë për ndalimin e qarkullimit, si masë për të parandaluar përhapjen e Covid-19.
