“Vajza Bond”, Molly Peters është ndarë nga jeta në moshën 75-vjeçare. Aktorja britanike arriti kulmin e suksesit të saj me rolin si infermierja Patricia Fearing përballë ish-agjentit 007 Sir Sean Connery në “Thunderball” në vitin 1965. Ditën e martë, është bërë publike se aktorja është ndarë nga jeta për shkaqe ende të papërcaktuara.
Përmes një deklarate të postuar në faqen zyrtare të “James Bond” në “Twitter”, është konfirmuar ky lajm i hidhur.
“Ne jemi të trishtuar të konfirmojmë se Molly Peters është ndarë nga jeta në moshën 75-vjeçare. Ngushëllime për familjen e saj”, shkruhej në deklaratë.
Bukuroshja bionde ishte vajza e parë “Bond”, e cila u zhvesh në njërin prej filmave, ku madje u bë qendra e debateve për zhveshje të tepruar.
Disa skena të filmit u hoqën me kërkesë të “British Board of Film Classification”, pasi u cilësuan tepër provokuese.
