Videoja erotike e basketbollistit Tristan Thompson duket se nuk e ka prekur aspak të dashurën e tij, Khloe Kardashian.
Të paktën kështu duket nga postimet e saj në Instagram, ku Kardashian nuk ka reaguar aspak keq për skandalin seksual të partnerit me një striptiste nga Nju Jorku.
Ajo duket sikur i mohon këto akuza, pavarësisht videove që vërtetojnë qartazi tradhtinë e basketbollistit, pak kohë para se çifti të bëhet me fëmijë për herë të parë.
Khloe publikoi dje një foto duke u puthur me partnerin, teksa shprehej e emocionuar për faktin që do të bëhet nënë shumë shpejt.
Ajo gjithashtu publikoi disa foto në Instastory, ku shfaqej duke reklamuar buzëkuqin e motrës Kylie Jenner.
Ndërkohë që Khloe hiqej sikur gjithçka ishte në rregull, një tjetër femër e njohur me emrin Stephaniee, publikoi një video seksi në Instagram. Ajo e postoi videon në Instastory natën e kaluar, përpara se ta fshinte shpejt.
Asnjë nga fytyrat nuk ishin të dukshme në klipin e shkurtër, por TMZ shkruan se dyshja ishin Stephaniee dhe Tristan duke kryer marrëdhënie seksuale.
Stephaniee publikoi gjithashtu disa “screenshots” të mesazheve me përmbajtje +18, që pretendon se ia ka dërguar Tristan.
Ky është skandali i tretë pasi më herët, dy video (kliko këtu) u publikuan nga TMZ dhe Daily Mail, që shfaqnin basketbollistin duke u puthur dhe prekur në vende intime me femra të ndryshme.
Ndërkohë, një burim i brendshëm i familjes tha për Radar Online: “Khloe nuk dëshiron të dëgjojë askënd. Ajo po përpiqet të pretendojë se kjo nuk po ndodh dhe vazhdon të thotë se duhet të vendosë shëndetin e vajzës së saj të palindur, para këtyre gënjeshtrave”.
