“The Voice Kids” nuk do të prezantohet këtë sezon nga moderatori Ledjon Liço! Në një intervistë për “Top Channel”, Liço zbuloi se ia ka kaluar stafetën e prezantimit moderatores së “Pop Culture” Dojna Mema, ndërsa ai është producent ekzekutiv i “The Voice Kids”.
Spektakli i talenteve po bëhet gati për audionet me fëmijë nga e gjithë Shqipëria, për të ardhur në janar në ekranin e “Top Channel” me sezonin e tij të tretë.
“Në janar nis sezoni i ri i ‘The Voice Kids’ në Top Channel. Si gjysëm shaka vitin që kaloi thashë që nuk do ta bëj më këtë eksperiencë sfilitëse emocionale, pas tetë vitesh si prezantues, tre prej të cilave si producent ekzekutiv. Shakaja është gjysma e së vërtetës dhe mesa duket është koha t’i hap rrugë një vizioni të ri dhe një brezi të ri. Jam krenar për stafin që ka punuar me mua e që do të vazhdojë ecjen përpara programit, te cilit i uroj shumë fat”, – shprehet Liço.
