Sabiani ishte një nga banorët më të komentuar për pozitivitetin dhe humorin e tij brënda shtëpisë së “Big Brother VIP Albania”.
Edhe pse këngëtari u kthye në një nga personazhet më të dashur e të pëlqyer për publikun, ai u bë i eleminuari i radhës nga shtëpia më e famshme në Shqipëri.
Padyshim që daljen e tij, e përjetoi më shumë miku i tij i ngushtë, balerini Ilir Shaqiri. Ata kishin krijuar një raport të pandashëm me njëri-tjetrin dhe një nga miqësitë më të afërta brenda shtëpisë së “BB VIP”
Tashmë, pas largimit të tij, Sabiani nuk përmban dot lotët sa herë i duhet të flasë publikisht për Ilirin, duke i qëndruar gjithmonë në krahë.
I ftuar së fundmi në “Fan Club” këngëtari na ka bërë të gjithë të qeshim.
Dojna Mema, moderatorja e emisionit, ka pyetur të gjithë të ftuarit e të dielës se kush mendojnë që do të eleminohet nga gara këtë të martë. Ndërkohë që shumica prej tyre, përfshirë Sabianin, thanë emrin e Meridianit, Flavio Qarri dha një përgjigje tjetër.
Ai tha duke qeshur se beson që i eleminuari rradhës do të jetë Iliri.
Në këtë moment Sabiani çohet në këmbë në mënyrë humoristike për të rrahur Flavion.
