Arkimed Lushaj i njohur si Stresi, u shpall fitues i edicionit të parë të “Big Brother VIP Kosova”.
Pasi arriti të qëndronte për 103 ditë brenda shtëpisë, reperi triumfoi përballë Vedatit, Mbresës, Xhulit dhe Artanit duke fituar edhe çmimin e madh prej 160 mijë eurosh.
Fitorja e artistit të njohur u diskutua mjaft shumë dhe pati komente nga më të ndryshmet.
Në lidhje me të gjitha pakënaqësitë kundrejt fitores së tij, së fundmi ka reaguar vetë Stresi duke thumbuar edhe ish-konkurrentët e tjerë.
“Kam dëgjuar shumë fjalë pas “Big Brother VIP Kosova”, por nuk është problem, gjithmonë ai që humb ka me fol.
Por nëse jeni prekur prej meje dijeni që ju kam folur në gjuhën që ju jeni mësuar. Sado që flisni nëpër intervista mundeni me u kënaq por unë nuk kam folur akoma, as nuk do të flas se nuk ju jap rëndësi juve o meshkuj. Ju jeni shumë poshtë, falënderojeni Klan Kosovën që ju dha mundësinë edhe aq. Sa për mua nëpër Prishtinë jam 24/7 besomni që nuk keni fytyrë të më dilni përpara sepse Prishtina ju votoi shumë dobët sepse ju njohin kush jeni. Kënaquni me aq sa keni merituar”.
