Julia Fox ka tërhequr mbrapsht së fundmi deklaratën e saj për ish-të dashurin e saj Kanye West, ku tha se beson që ai nuk mund të vrasë asnjë mizë.
Gjatë një interviste për “TMZ”, aktorja u shpreh se u shpreh në mënyrë të tillë për reperin, pasi nuk i kishte parë postimet e tij në “Instagram”, dhe i ishte referuar vetëm videoklipit të këngës “Eazy” drejtuar Pete Davidson.
“Do të doja të theksoja se nuk i kisha parë postimet e fundit në Instagram në kohën e kësaj videoje. Besojeni apo jo unë kam një jetë dhe një djalë dhe nuk kam alarme në Google për këtë njeri!”- është shprehur ylli i “Uncut Gems”.
Rikujtojmë se disa ditë më parë “TMZ” ka pyetur aktoren për situatën e krijuar midis reperit të “Stronger” dhe të dashurit të ri të Kim Kardashian, ndërkohë që Fox sjelljen e ish-të dashurit të saj në internet ia atribuoi artit të tij.
“Jo, jo, jo, jo, Kanye është i padëmshëm. Thjesht mendoj se kjo është shprehja e tij krijuese artistike”, tha ajo për median. “E di që është agresiv, por mendoj se nëse do ta kishte seriozisht, nuk mendoj se Kanye do të lëndonte dot një mizë”.
