Mbrëmjen e djeshme Afërdita Dreshaj zbuloi se familjes së saj i është shtuar një anëtar i ri. Vëllai i saj u bë baba dhe Afërdita ka marrë titullin hallë. Emocionet për këtë moment ajo nuk mundi t’i mbante vetëm për vete dhe i ndau menjëherë me të gjithë ndjekësit.
Modelja publikoi në rrjete sociale foto të vogëlushit, që u pagëzua me emrin Martin dhe që Afërdita u shpreh se ishte shumë special për të.
“Vëllai im dhe kunata ime sapo u bënë me bebe. Urime, na bëtë më të lumtur se kurrë. Mezi presim ta takojmë Martinin dhe e duam shumë. Jam bërë hallë! Ti je kaq special dhe emri yt është akoma më shumë special”, shkroi ajo.
Por çfarë kuptimi mbart emri Martin, që është kaq i veçantë për Afërditën?
Babai i ndjerë i modeles quhej Martin dhe kështu vëllai i saj i ka vendosur të voglit këtë emër në nder të figurës së të atit. Babai i Afërditës ka ndërruar jetë kur ajo ka qenë vetëm 12 vjeçe dhe modelja gjithmonë ka treguar se e ka ndjerë mungesën e tij në jetë.
Ndërkohë kujtojmë se Afërdita është edhe vetë në pritje të një djali, i cili mund të vijë në jetë nga momenti në moment. Disa ditë më parë ajo zbuloi se vogëlushi i saj mund të lindë gjatë kësaj jave ose javën tjetër dhe kështu ne po presim të gjithë me padurim të njihemi me të.
