Blero prej vitesh po jeton një histori të bukur dashurie me Afrona Dikën, mirëpo kohë më parë ai ka qenë i martuar me aktoren Teuta Krasniqi. Nga martesa e tij e parë ai ka dhe një vjazë, e cila quhet Tara.
Pavarësisht se divorci i tyre ishte mjaft i bujshëm, dyshja e njohur i kanë ruajtur raportet e mira me njëri-tjetrin për shkak të vajzës së tyre. Blero ka treguar se ai takohet shpesh me Teutën dhe duket se po njësoj vepron edhe partnerja e tij aktuale, Afrona.
I ftuar së fundmi në emisionin “Glamour Zone”, këngëtari është shprehur se Afrona nuk e ka pasur asnjëherë problem këtë gjë dhe madje ka shkuar për darkë në shtëpinë e Teutës.
“Ti dhe Teuta jeni treguar shumë të civilizuar duke mbajtur marrëdhënie të mira për hir të vajzës. Por a jeni nga ata njerëz aq të hapur sa të dilni për darkë ti me Afronën, dhe Teuta me familjen e saj?”, është pyetur këngëtari nga moderatorja, Ester Bylyku.
“Nëse ajo darkë është për Tarën sigurisht që po. Sepse Tara është qendra e botës dhe për të do të bëjmë gjithçka. Teuta dhe Afrona janë takuar më parë. Teuta e ftoi Afronën për darkë në shtëpi, dhe qëndruan për 3 orë bashkë duke biseduar. Meritat në këtë rast i ka Afrona, për mirëkuptimin që ka treguar për këtë situatë”, u përgjigj Blero.
Para 1 viti këngëtari kurorëzoi me martesë dashurinë me Afronën dhe në dasmën e tyre nuk mungoi as e vogla Tara. Blero ka treguar se bashkëshortja e tij ka raporte shumë të mira me vajzën dhe shpesh e kemi parë Dikën të publikojë në rrjete sociale foto me Tarën
