Është dënuar me 1 vit burg nga Gjykata e Shkallës së Parë në Vlorë, Mihal Kokëdhima, për akuzat e ‘kanosjes’, ‘dëmtime të tjera me dashje’ dhe ‘shkatërrim prone’.
Mihal Kokëdhima doli sot para gjykatës, pasi gjatë sezonit turistik sulmoi një familje spanjolle që kishte ndaluar për të konsumuar drekën në lokalin e tij.
I gjithë sherri nisi për një ngatërresë në numrin e peshqve të porositur nga familja spanjolle e biznesmenit të njohur Eugenio Galdon themelues i kompanisë “ONO”
Ai jo vetëm që nuk mori shërbimin e kërkuar në lokalin e Mihalit, por u përball edhe me një skenë e cila bëri bujë në media.
Mosmarrëveshja për porosinë, bëri që Mihal Kokëdhima të ngjitej në kofanon e makinës që familja spanjolle kishte marrë me qira dhe t’i terrorizojë për disa kilometra teksa makina ishte në ecje.
Pas skandalit, lokali i Kokëdhimës u shemb nga IKMT, pasi ishte pa leje.
