I riu Klement Çupi, ishte një ndër viktimat e tërmetit të pamëshirshëm të 26 nëntorit. Ai qëndroi për orë të tëra nën rrënoja, duke komunikuar vazhdimisht me ekipin e shpëtimit, por për fat të keq nuk mundi të dalë i gjallë nga rrënojat.Mediat e huaja i kushtuan rastit të tij një vëmendje të veçantë, si djali shqiptar, që njihej vetëm për mirë.
Klementi kishte bërë shkollën atje, ndërsa kishte zgjedhur rrugën e ndershme, duke punuar si taksist. Ai punonte për kompaninë 001 Taxis-Oxford, e cila ka postuar me dhimbje një status në rrjetet sociale, duke shkruar se kanë humbur një prej punëtorëve më të mrekullueshëm.
“Është një trishtim i madh për ne, që kemi humbur një nga shoferët tanë të mrekullueshëm, si pasojë e tërmetit tragjik në Shqipëri. Klem, ishte gjithmonë i buzëqeshur, kishte zemër të artë. Është një humbje e madhe për ne.
Klem shkoi në fundjavë në Shqipëri, për të festuar së bashku me familje. Por humbi jetën tragjikisht së bashku me prindërit”.
Klementi la gruan së bashku me dy fëmijët më Londër, ndaj kompania e taksistëve ka ndërmarrë një nismë, për të mbledhur fonde në ndihmë të tyre.
