Ishulli i madh i Mindanaos, në jug të Filipineve, u godit sot nga një tërmet i fuqishëm me magnitudë 6,8 ballë të shkallës Rihter.
Banorët kanë dalë jashtë shtëpive dhe restoranteve pasi kanë ndjerë këtë tërmet të fortë, epiqendra e të cilit është lokalizuar disa dhjetëra kilometra në jug të Davaos, qyteti më i madh i ishullit të qytetit.
Të paktën 4 persona, përfshirë një fëmijë 6-vjeçar, kanë ndërruar jetë.
Fëmija humbi jetën në qytetin e Matanao, kurse tre viktimat e tjera, sipas zjarrfikësve, ishin në një ndërtesë trekatëshe në Padada që kishte një supermarket dhe që u shemb.
Një tërmet i dytë, me magnitudë 5 ballë, u regjistrua pak më në jug në të njëjtën provincë.
