Ditën e djeshme disa foto shokuese bënë xhiron e rrjetit, duke lënë zemërthyer shumë persona! Në pamjet e publikuara nga “Animal Rescue Albania” shihet një makinë tip Renault Megane me targa AA 940 YI që ka të lidhur pas një qen, në dukje, labrador.
https://www.instagram.com/p/CFJqtvdg_sF/?utm_source=ig_web_copy_link
“Iconstyle.al” u interesua për çështjen pranë Policisë së Shtetit dhe na u bë me dije se denoncimi është marrë dhe po punohet për identifikimin dhe kapjen e autorit!
Së fundmi, nëpërmjet një njoftimi për shtyp, blutë njoftojnë se është shoqëruar në Komisariat shoferi i makinës.
Policia thotë se autori i aktit është një 50-vjeçar nga Sukthi, F.P., dhe tashmë është proceduar penalisht për veprën “Keqtrajtimi i kafshëve” parashikuar nga neni 207/c paragrafi 2 si dhe nga shërbimet e Policisë të Qarkullimit Rrugor është vendosur masë administrative në bazë të dispozitave të Kodit Rrugor, sipas neneve 158, 182 dhe 139/14/5/8.
Durrës
Duke marrë shkas nga një foto e publikuar në rrjetet sociale, ku paraqitej një kafshë shtëpiake (qen), duke u tërhequr pas një makine, në Sukth, Durrës, ju sqarojmë se:
Specialistët për Hetimin e Krimeve në Komisariatin e Policisë Durrës menjëherë identifikuan dhe shoqëruan në ambientet e Policisë, bashkë me mjetin e tij tip “Renault”, shtetasin F. P., 50 vjeç, banues në Sukth, Durrës.
Në vijim të veprimeve u procedua penalisht shtetasi F. P., për veprën penale “Keqtrajtimi i kafshëve” parashikuar nga neni 207/c paragrafi 2 si dhe nga shërbimet e Policisë të Qarkullimit Rrugor është vendosur masë administrative në bazë të dispozitave të Kodit Rrugor, sipas neneve 158, 182 dhe 139/14/5/8.
Materialet i kaluan Prokurorisë së Rrethit Gjyqësor Durrës, për veprime të mëtejshme.
Policia e Durrësit fton qytetarët të denoncojnë në numrin 112 dhe Komisariatin Dixhital, çdo rast të paligjshmërisë në tërësi, duke iu garantuar anonimatin dhe reagim të shpejtë e të paanshëm.
