Rastet e keqtrajtimit të kafshëve më besnike të njeriut, qenve, po bëhen mjaft të përsëritura në vendin tonë. Vetëm pak ditë më parë shoqata “ARSA Albania” bëri publik rastin e disa qenve në qytetin e Pogradecit, që ishin lënë pa ushqim për ditë të tëra dhe kishin ngordhur në mes ta acarit. Më pas qentë e ngordhur u hodhën në një gropë të madhe dhe pavarësisht se bashkia duhej të mbante përgjegjësi për këtë veprim e hoqi fajin nga vetja, duke deklaruar se ende nuk dihet kush e ka bërë. (Lexo Këtu)
View this post on Instagram
Më vonë “ARSA Albania” publikoi disa video prekëse, në të cilat qentë shiheshin të lidhur pas disa trungje pemësh të prera në mes të borës dhe të ftohtit. Nga videoja dallohej qartë se ata ishin të uritur, pasi ishin lënë për ditë të tëra pa ngrënë.
Ndërkohë së fundmi në Lushnjë është bërë pulik po ashtu një rast i rëndë. Një 64 vjeçar, i identifikuar me inicialet F.H., banues në Zhamë, ka tërhequr zvarrë qenin e tij me motor në aksin Çermë-Lushnjë, derisa kafsha e gjorë ka ngordhur.
Mirëpo kjo çështje nuk ju ka shpëtuar personave të tjerë dhe ju ka kaluar organeve të drejtësisë. 64-vjeçari është proceduar penalisht për veprën penale “Keqtrajtim i kafshëve” pas aktit mizor. Materialet i kanë kaluar Prokurorisë pranë Gjykatës së Shkallës së Parë në Lushnjë për veprime të mëtejshme hetimore.
