Pas lidhjes me Anwar Hadid, Dua Lipa është bërë pjesë e pandarë e familjes së tij. Ata kalojnë një pjesë të mirë të kohës bashkë dhe marrëdhënia është për t’u pasur zili.
Yolanda dhe Dua ndryshe nga ç’thonë legjendat urbane shkojnë për mrekulli. Nuk mungojnë fotot me njëra-tjetrën në rrjetet sociale dhe duket se të dyja përveç marrëdhënies nuse-vjehrrë janë edhe dy shoqe shumë të mira.
Në rrjetet sociale të ish-modeles holandeze gjen pafund foto të fëmijëve dhe tashmë mbesës së saj të vogël, duke na falur ne detaje që vetë Hadidët na i fshehin.
E padyshim në këto postime nuk mungojnë as dhëndri Zayn dhe nusja Dua. Yolanda mundohet mos t’i diferencojë nga fëmijët e saj dhe shpeshherë poston edhe foto të tyre.
View this post on Instagram
Ditën e sotme Yolanda feston ditëlindjen dhe sigurisht Dua i bëri asaj një urim publik. Këngëtarja me origjinë shqiptare ka ndarë me ndjekësit në Instagram një foto krah vjehrrës ku shkruan “Gëzuar ditëlindjen”.
Edhe Anwar ka ndarë një foto të para shumë viteve të së ëmës duke shkruar “Gëzuar ditëlindjen, Mama!” Ndërkohë, Gigi dhe Bella ende nuk e kanë uruar publikisht të ëmën.
Yolanda një yll meqë ra llafi!
