Sot është dita e katërt e protestave të qytetarëve shqiptarë në kërkim të drejtësisë për të ndjerin Klodian Rasha, 25-vjeç, i cili u vra nga një efektiv policie.
Edhe sot, protesta ka nisur të tensionohet në disa zona të vendit.
Në rrugën “Myslym Shyri”, qytetarët kanë nisur të prishin tabelat në rrugë, ndërkohë që janë drejtuar nga “Drejtoria e Policisë”.
Në një video të publikuar nga “Joq” raportohet se policët, të cilët kanë shpërndarë njerëzit me gaz lotsjellës, kanë hedhur gaz edhe brenda një dyqani.
View this post on Instagram
Qytetarët nuk janë mjaftuar vetëm me dorëheqjen e Sandër Lleshajt nga posti i ministrit të Brendshëm, por kërkojnë edhe “kokën” e drejtorit të Policisë së Shtetit Ardi Veliu. Kryeministri Edi Rama the se diçka e tillë nuk do ndodhë.
E gjithë struktura nga Drejtoria e Policisë, te Shërbimi i Çështjeve të Brendshme dhe Ankesave deri tek Forcat Shqiponja, të gjithë drejtuesit duhet të largohen.
Konkretisht, “iconstyle.al”, duke iu bashkuar nismës së protestuesve dhe kërkesës së tyre, kërkon largimin e :
-Muhamet Rrumbullaku, drejtor i SHÇBA, që manipuloi hetimin.
-Ardi Veliu, drejtori i Policisë së Shtetit.
-Gjovalin Loka, drejtori i Departamentit për Sigurinë Publike, mban përgjegjësi për dhunën ndaj protestuesve.
-Rebani Jaupaj, drejtor i Policisë Tiranë duhet të mbajë përgjegjësi pse policia ishte pa kamera në trup natën e ekzekutimit të Klodianit.
