Një ditë pas testit të Maturës Shtetërore për Gjuhën Shqipe dhe Letërsinë, maturantët në Tiranë, në Berat, dhe zona të tjera kanë dalë në protestë.
Sipas tyre provimi nuk ka qenë në strukturën që kishte premtuar ministrja e Arsimit, Besa Shahini.
Gjithashtu ata u shprehën se provimi nuk përputhet aspak me rekomandimet dhe udhëzimet që iu janë dhënë në tre vite gjimnaz, dhe as në programin e përgatitur për tri vite.
Protesta ka gati tri orë që ka nisur dhe akoma nuk kanë marrë një përgjigje për kërkesat e tyre kjo gjë solli dhe irritim të maturantëve të cilët kanë filluar të qëllojnë me vezë edhe godinën e Ministrisë së Arsimit.
Ata gjithashtu kanë bërë të ditur se dëshirojnë që të ketë një ulje të kuotave për pranimet në universitet.
Bashkë më maturantët ndodhen dhe shumë prindër të shqetësuar për fëmijët e tyre.
