Mbrëmjen e sotme u transmetua në ekran puntata e radhës e emisionit “Për’puthen 40+”.
Kësaj here ishte radha e takimit të Ndriçimit me Lindën, të cilët kanë krijuar pëlqim për njëri-tjetrin dhe po shfaqin çdo herë e më shumë afrimitet.
Ata realizuan një takim shumë romantik dhe për t’i hequr emocionet Ndriçimit, Linda e ftoi atë në një kërcim.
Mirëpo, diçka e papritur ndodhi në takimin e tyre. Teksa bisedonin me njëri-tjetrin, papritur Ndriçimin e telefonoi ish-e dashura e tij.
Telefonin e kishte në dorë Linda, e cila u befasua nga kjo telefonatë. Ajo e provokoi Ndriçimin, duke e pyetur nëse mund t’i përgjigjet ajo.
Konkurrenti ia la në dorë Lindës të vepronte si të donte, ndërsa kjo e fundit vendosi ta refuzojë telefonatën.
Në studio u diskutua sërish kjo situatë e sikletshme, e cila e tensionoi Ndriçimin. Ai sqaroi se në telefon nuk ishte ish-gruaja, pasi me të kishte 20 vite që ishte ndarë, por ish-e dashura që kishte 2 muaj që ishte ndarë.
Konkurrenti tregoi se disa ditë më parë, ajo i kishte dërguar një mesazh ku i shkruante se kishte harruar disa gjëra në shtëpinë e tij, ndërsa u shpreh se besonte që kjo ishte arsyeja pse ajo e kishte telefonuar.
Megjithatë, asnjëra prej konkurrenteve nuk i besoi plotësisht fjalët e tij.
