Reputacioni i Christian Dior, si një nga dizenjuesit më të mirë, u rrit në vitin 1947 me prezantimin e koleksionit të tij të parë “New Look”. Koleksioni kishte këto karakteristika: shpatulla të harkuara, bel të ngushtë dhe funde të fryra. “New Look” përfaqësonte ultra feminilitetin dhe një pasuri në modën e femrave. Pas viteve me uniforma ushtarake, mungesa në materiale dhe teknika, Dior nuk ofroi një pamje të re, por një pikëpamje të re. U lind dhe u rrit në Normandi të Francës. Në moshën 10-vjeçare u transferua me familjen në Paris. Pas studimeve në Shkenca Sociale, shërbeu në ushtri. Karriera e tij filloi në vitin 1935, me kthimin në Paris, ku do të shiste skicat e tij të para. Dizajneri, Robert Piguet e punësoi në vitin 1938.
Gjatë Luftës së Dytë Botërore, Dior shërbeu në Jug të Francës dhe u kthye në Paris në vitin 1941, ku punoi për Lucien Lelong. Në 1946-ën, i mbështetur nga Marcel Boussac, ai hapi një shtëpi mode. Çdo koleksion i tij kishte një temë të caktuar. Pranvera e vitit 1947, u quajt “Carolle” ose “Figure 8”, një emër që të jepte idenë e silhuetës me shpatulla të gjera, vithe të theksuara dhe bel tepër të ngushtë. Ndërkohë, pranvera e vitit 1953 erdhi me një koleksion të quajtur “Tulip”, ku dominonin printet me ngjyra. Ai i pranverës së vitit 1955, u njoh si “A-line”, ku silhueta e fustanit i ngjan asaj të gërmës A. Vdekja e parakohëshme e Dior, bëri që ai të dizenjonte vetëm për një dekadë, por ishin dizenjime që do ndikonin në botën e modës shumë më gjatë se aq.
Lindi në vitin 1905 në Granville (Normandi, Francë), më 21 Janar. Në vitin 1946, Christian Dior themelon shtëpinë e tij të modës në një ndërtesë private: 30 Avenue Montaigne, Paris. Më 12 shkurt, 1947, Christian Dior prezanton 90 modelet e para të koleksionit të tij. “Corolle” dhe “Huit” janë linjat që bënë bujë. Në po këtë periudhë hap shtëpinë e parfumeve. Dior e quan parfumin e tij të parë “Miss Dior”, në nder të motrës së tij, Katerine. Pierre Cardin fillon punë me Christian Dior si lider në “workshop”. Qëndron aty deri në vitin 1950. Në nëntor, 1948 hap një shtëpi luksi të tipit “ready to wear” në New York, e para e këtij lloji. Hap gjithashtu “Christian Dior, Parfums” në New York. Më pas hedh në treg parfumin “Diorama”, “Launch of the perfume, Diorama” dhe krijon sistemin e licensës.
Viti 1950.
Brenda tre vitesh sistemi kopjohet nga të gjitha shtëpitë e “Haute Couture”.
Viti 1955.
Në moshën 19-vjeçare, Yves Saint Laurent bëhet asistenti i parë dhe i vetëm i Diorit. Hedh në treg buzëkuqin “Dior”, e më pas do ndjekë një linjë e tërë me produkte kozmetike.
Viti 1957.
Christian Dior ndërron jetë nga një atak në zemër në Montecatini, më 24 tetor. Yves Saint Laurent caktohet të marrë përsipër drejtimin artistik të brendit.
Viti 1960.
Thërritet për shërbim ndaj vendit dhe Yves Saint Laurent e lë “Dior”, pasi ka realizuar 6 koleksione. Mark Bohan e pason atë.
Viti 1961.
Mark Bohan prezanton koleksionin e parë “Slim Look”.
Viti 1962.
Yves Saint Laurent hap shtëpinë e vet të modës. Në vitin 1963 hidhet në treg parfumi “Diorling”.
Viti 1966.
Prezanton fragrancën për meshkuj “Eau Sauvage”.
Viti 1967.
Philippe Guibourgé, asistent i Mark Bohan, krijon linjën “Miss Dior” në Francë e më pas hapet butiku “Baby Dior”.
Viti 1968.
Kompania e parfumeve “Dior” i shitet Moët Hennessy.
Viti 1970.
Krijohet linja e “Christian Dior Monsieur”.
Viti 1972.
Del parfumi “Diorella”.
Viti 1979.
Sjell në treg parfumin “Dioressence”.
Viti 1980.
Hedh për shitje fragrancën për meshkuj “Jules”.
Viti 1981.
Grupi “Willot” deklaron falimentimin.
Viti 1984.
Një grup investitorësh të drejtuar nga Bernard Arnault, marrin kontrollin e grupit “Willot”.
Viti 1985.
Bernard Arnault bëhet investitor dhe Shef Ekzekutiv i “Christian Dior”. Ai fut parfumin “Poison”.
Viti 1987.
“Paris Fashion Museum” i dedikon një ekspozitë Christian Dior, me rastin e 40-vjetorit që nga dalja e koleksionit të tij të parë.
Viti 1990.
Hapja e butikëve në Los Angeles dhe New York.
Viti 1991.
Hedh në treg parfumin “Dune”.
Viti 1992.
Patrick Lavoix emërohet Drejtor Kreativ i “Christian Dior Monsieur”. Bëhet rilançimi i parfumit “Miss Dior”.
Viti 1996.
John Galliano bëhet ideator i “Christian Dior Couture”.
Viti 1999.
Del parfumi “J’adore”.
Viti 2001.
Hedh në treg parfumin për meshkuj “Higher” dhe hap butikun e bizhuterive në “Place Vendôme”, krijuar nga Victoire de Castellane.
Viti 2002.
Vjen me parfumin “Addict”.
Viti 2005.
Festohet 100-vjetori i lindjes së Christian Dior. Hidhet në treg parfumi “Miss Dior Chérie” dhe “Dior Homme”.
Viti 2007.
Festohet 60-vjetori i krijimit të “Maison Dior” (1947). Kris Van Assche, dizenjuesi i ri i linjës së meshkujve, prezanton koleksionin e tij të parë.
Viti 2009.
Reklama e çantave “Lady Dior”, ku merr pjesë Marion Cotillard.
Viti 2012.
Raf Simons emërohet Drejtor Artistik i “Haute Couture, Ready-to-wear” dhe i koleksionit të aksesorëve për femra.
Viti 2013.
Prezantimi i koleksionit të parë nga Raf Simons dhe hapja e butikut në Vietnam.
Viti 2014.
Prezantimi i koleksionit “Haute Couture” në Hong Kong dhe i koleksionit “Croisière” në New York.
*Publikuar në revistë “ICON” nr. 4
