Si pasojë e temperaturave të larta, sot pasdite pritet rrezik “i moderuar ” nga zjarret në qarqet Shkodër, Lezhë, Durrës, Tiranë dhe Fier.
Instituti i Gjeoshkencave ka njoftuar se ka dhe një rrezik të ulët në qarqet Dibër, Elbasan, Berat dhe Vlorë ndërsa në qarqet Kukës, Korçë dhe Gjirokastër “s’ka rrezik”.
Por në zona të lokalizuara mund të ketë nivel më të lartë rreziku, konkretisht qarku Kukës (Qendër), qarku Elbasan (Perëndim).
Kjo javë parashikohet të jetë një ndër më të nxehtat dhe ekspertët këshillojnë qytetarët që, ashtu siç çdo sezon veror, të rrisin konsumin e ujit të pijshëm dhe të shmangin daljen nga ora 9 e mëngjesit deri në orët e pasdites.
