Temperatura ekstreme janë shënuar shënuar së fundmi në territorin shqiptar, që prej disa ditësh është mbërthyer nga një valë të ftohti. Mbrëmjen e djeshme termometri në qarkun e Dibrës ka shënuar -12 gradë Celcius.
Situata paraqitet problematike në Tërnovë të madhe dhe Tërnovë të Vogël, ku raportohet se 115 familje janë izoluar prej disa ditësh si pasojë e dëborës që ka arritur trashësinë 70 centimetra, ndërsa në zonat e thella arrin deri në 2 metra.
Bashkitë e qarkut Dibër bëjnë me dije se situata është nën kontroll, megjithatë qytetarët raportojnë se janë izoluar në shtëpitë e tyre. Në disa zona të qarkut ka dhe mungesë të energjisë elektrike, por OSHE po punon për riparimin e defekteve.
Sakaq, në Bulqizë dhe Peshkopi, gjithashtu trashësia e dëborës ka arritur në 70 centimetra, ndërkohë që problematike paraqitet situata edhe në Elbasan. Trashësia e borës është 30-40 centimetra, ndërsa rrugët kombëtare janë pushtuar nga ngricat dhe mëngjesin e sotëm janë spërkatur me kripë.
Burimi: NOA.al
