Në vitet ’80-’90, Meksika ishte importuesja më e madhe e telenovelave në botë.
Pas saj renditej Brazili dhe më pas shtetet e tjera të Amerikës Latine.
Në vitet ‘2000, telenovelat meksikane patën një bum në Shqipëri, me seriale që bënë epokë si “Kur ti të jesh e imja” (Paloma) apo “Rubi”.
Por, premiera e “Gumush” në mars të 2011-ës, ndryshoi rregullat e televizioneve shqiptare duke i kthyer telenovelat turke në një fenomen, i cili vijon ende sot.
Ajo që na çuditi është se, në faqen zyrtare të “Univision”, rrjeti më i madh mediatik në Meksikë, pjesë e të cilit janë edhe producentët e telenovelave meksikane, na zunë sytë dy personazhet e preferuar të shqiptarëve: Nihani dhe Kemali, protagonistët e historisë së telenovelës “Dashuri e pafund”.
Dikur, tek faqja e “Univision” gjendeshin vetëm personazhet e telenovelave të njohura.
Seriali turk e nisi transmetimin në “Univision” në 8 korrik.
Madje, Nihani dhe Kemali transmetohen në një orar të rezervuar programeve mjaft të rëndësishëm, siç është ora 19:00.
