Thuajse të gjithë shqiptarët janë fansa të telenovelave turke. Por jo të gjithë e dinë që ka edhe personazhe të njohur shqiptarë që kanë dobësi për serialet dhe veçanërisht një prej tyre që transmetohet në televizionin Klan.
“Sulltanesha Kosem” ka tërhequr vëmendjen e disa prej këngëtarëve shqiptarë, përfshi këtu edhe reperin “Bad Boy”, Stresi. Ai ka treguar se është një ndjekës i rregullt së bashku me të dashurën e tij, i kësaj telenovele dhe më pas edhe këngëtarja Eni Koçi ka treguar gjithashtu se e ndjek.
Por një tjetër personazh i njohur që i është bashkuar Stresit dhe Enit, është dhe këngëtarja Rovena Dilo duket se është një fanse e këtij seriali. Megjithatë diçka nuk i ka pëlqyer këngëtares, e cila nuk ka hezituar ta shprehë në rrjetin social Instagram.
“Arsyeja pse seriali historik KÕSEM u bë i preferuari im. Çifti i jashtzakonshem, sulltan Ahmet (Ekin Koç) dhe Nasja (Anastasia Tsilimpiou) më çonin në botën e “1001 netëve”, Nuk po mësohem dot me Kösemin tjetër”, shkruan Rovena, së cilës me sa duket nuk i ka pëlqyer ndërrimi i personazhit kryesor.
