Të bllokuar dhe duke u përballur me vdekjen në banesën e tyre të 23-të, Gloria Trevisan dhe Marco Gottardi bënë telefonatën e fundit shpirtcopëtuese me familjet e tyre në Itali.
Në momentet e fundit, çifti i dashuruar u tha prindërve lamtumirë.
Trevisan mësohet se i ka thënë nënës: “Faleminderit për gjithçka ke bërë për mua”.
Ndërkohë që i dashuri i saj u përpoq dëshpërimisht të krijonte hapësirë daljeje nga apartamenti në flakë dhe tymi, por pa asnjë rrugëdalje. Ai u përpoq që t’i hiqte frikën të fejuarës, e cila kishte pohuar se tymi po ngrihej rreth tyre dhe shikonin flakët të dilnin nga shkallët.
Telefonatat e tyre të fundi i la prindërit pa asnjë shpresë se do t’i shpëtonin flakëve.
Fillimisht Marco u kishte thënë prindërve të mos shqetësoheshin, sepse ishte gjithçka në kontroll, por më pas kishte kuptuar se çdo gjë po përkeqësohej dhe bëri telefonatat e fundit me ta.
Babai i tij Giannino tha për gazetën italiane “Il Mattino di Padova”: “Në telefonatën e parë Marco na tha të mos shqetësohemi, se gjithçka ishte nën kontroll. Ai po përpiqej të minimizonte atë që ndodhi, ndoshta të mos na shqetësonte. Por në telefonatën e dytë dhe unë nuk mund ta heq këtë nga mendja ime, ai tha se kishte kaq shumë tym”.
Babai i pikëlluar shtoi: “Ne ishim në telefon me të deri në momentin e fundit… Në orën 4:07 ai na tha se banesa e tyre ishte e përmbytur me tym dhe se situata ishte bërë emergjente. Komunikimet u ndërprenë dhe prej atij momenti nuk kontaktuam më. Nuk u përgjigj më askush në telefon”.
Ndërsa babai i 27-vjeçares, Loris tha: “Ata donin të zbrisnin, por thanë se flakët që ngjiteshin nëpër shkallët dhe tymi ishte gjithnjë e më intensiv”.
Çifti, të dy të diplomuar për arkitekturë shkuan në Londër 3 muaj më parë për të kërkuar për punë. Ndërsa kërkuan për shtëpi, vendosën të merrnin apartamentin në katin e 23-të të godinës Grenfell, që u përfshi nga flakët 2 ditë më parë, prej të cilave humbën jetën të paktën 12 persona.
Burimi: Daily Mail
