Megjithëse vetëm 21 vjeç, Kylie Jenner është bërë biznesmenia e parë në botë në moshë kaq të re. Ajo ka hapur biznese të shumta qe mbajnë emrin e saj, është një ndër influencueset më të mëdha në Instagram dhe fiton milionat çdo ditë.
Përveç këtyre sukseseve, Kylie është bërë gjithashtu nënë e një vogëlusheje që e ka pagëzuar me emrin Stormi dhe vazhdimisht shprehet falenderuese për partnerin e saj, Travis Scott, me të cilin duket tepër e dashuruar.
Ju duket se në këtë mes mungon diçka?
Pikërisht, martesa!
Burime pranë çiftit kanë treguar dëshirën e madhe të Travis për t’u kurorëzuar me partneren e tij, pasi martesën e konsideron si diçka tepër të rëndësishme në marrëdhëniën e tyre.
Mirëpo, 21-vjeçarja as që e ka ndërmend të martohet. Burimet pranë Kylie-t dhe Travis-it kanë treguar se çifti ka folur shpesh për martesën, mirëpo Kylie nuk është ende gati për këtë. Pavarësisht faktit që Travis dëshiron t’i bëjnë gjërat zyrtare, Kylie ndihet rehat edhe pa u martuar.
Megjithatë, burimet kanë treguar se çifti sillet si dy të martuar dhe asgjë në përditshmërinë e tyre nuk është ndryshe nga ata që janë kurorëzuar me martesë. Madje, Kylie dhe Travis e thërrasin njëri-tjetrin “burrë” dhe “grua”.
