Moderatorja çapkëne Fatma Methasani që prej 4 muajsh është bërë nënë për herë të parë dhe jeta e saj ka ndryshuar shumë.
Për të gjitha emocionet gjatë shtatzënisë dhe të qenurit nënë, ajo i ka rrëfyer ditën e sotme në emisionin “Jo vetëm modë”, teksa ishte së bashku me djalin e saj Noah.
https://www.instagram.com/p/CAXpWyXhlUv/
“Ka qenë pak nga të gjitha, ka patur momente kur kam thënë çfarë i bëra vetes. Por se kisha më shumë pasiguri jo se…Por që ka qenë shumë bukur, kur vjen ajo data 28 që Noah feston një muaj, dy muaj, tre muaj, ne jemi të gjithë në festë”, është shprehur Fatma.
Moderatorja është pyetur se kush e ka ndihmuar shumë gjatë shtatzënisë, por edhe pas lindjes dhe pa u menduar dy here, ajo ka përmendur të ëmën e Alfios.
Teksa përmend nënën e Alfios, Fatma është emocionuar dhe nuk i ka ndalur dot lotët. Ajo tha se atij personi i detyrohet vërtet shumë dhe nuk gjen dot një mënyrë për ta falenderuar për të gjithë ndihmën e saj.
“Gjyshja e Noah, mami i Alfios, shumë. Që mos filloj të qaj tani, nuk do të gjej dot një mënyrë për ta falenderuar. Më ka ndihmuar tmerrësisht shumë, edhe është e mrekullueshme. S’është fare e lehtë të kesh një bebush, sidomos kur unë jam 25 vjeç dhe e kam patur dhe këtë detajin, që ti je dhe shumë e vogël vetë. Ishte diçka që unë nuk dija ta bëja, isha mësuar që dilja në mëngjes dhe vija në darkë. Kisha sigurisht shumë frikë. Edhe Alfio kishte një profesion që dilte në mëngjes dhe vinte në darkë. E kam përjetuar shumë keq faktin që Noah nuk kishte shtuar peshë sa duhet. Edhe po e përjetoja shumë keq, prindërit e Alfios lanë praktikisht gjithçka dhe erdhën, kanë qëndruar me mua në shtëpi. Janë kujdesur shumë që unë të shtoj ato kilogramët që duheshin tek Noah. Si përfundim ky lindi më i madh se unë fatmirësisht, edhe më i gjatë se unë. Madje gjëja e parë që ka thënë Alfio kur ka dalë Noah nga salla e lindjes dhe thanë ka bërë një çun kaq kilogramë, kaq të gjatë dhe ai thotë: Është më i gjatë se Fatma. Nëse ka një njeri që unë i detyrohem tej mase shumë, për gjithë situatën si para lindjes dhe pas lindjes është mami i Alfios, që sinqerisht e dua shumë”, është shprehur Fatma.
Ndër të tjera, moderatorja simpatike ka treguar se ajo dhe Alfio kanë menduar për dasmë dhe duan që unazat t’i sjelli djali i tyre.
E pyetur se kur do ndodhë dhe a bëhet fjalë pas një viti, Fatma është shprehur që “besoj se po”.
Fatma Methasani dhe Alfio Rrotani, në 28 janar të këtij viti u bënë prindër të një djali, të cilin e kanë pagëzuar me emrin Noah.
