Para disa ditësh, Shqipja publikoi një foto në të cilën pretendonte se ishin Tea dhe Bearti, që sipas saj janë të lidhur jashtë emisionit. “Çifti i parë që u përputh jashtë emisionit. Andi e ka lënë në emision o Fation Kuqari, se vërtetë ta hodhi fundin ty, por shigjeta ishte diku tjetër. E the mirë janë bërë dashnor me njëri-tjetrin. Faleminderit që jeni tallur me të gjithë ne.. unë kam fol gjithmonë me fakte, por çfarë të bëjmë që kanë njerëz sipër tyre që i mbulojnë”, shkroi Shqipja.
Ajo kishte kohë që thoshte se Tea dhe Bearti ishin në një lidhje e madje kishte publikuar foto për ta vërtetuar këtë gjë. Mirëpo Tea bëri një reagim në rrjete sociale dhe tregoi se nuk ishte asgjë e vërtetë. Madje ajo publikoi një video nga ballkoni i shtëpisë së saj, për të vërtetuar se nuk ndodhej në Bogë me Beartin, por në Tiranë.
https://www.youtube.com/watch?v=inXYM_Czli0
Por sot vetë Tea e hodhi poshtë të gjithë deklaratën e saj, duke postuar një video nga i njëri vend ku Shqipja publikoi foton. Ish-konkurrentja që doli çift me Andin nga “Për’puthen” shfaqet e veshur me të njëjtin xhup, si ai në foton që publikoi Shqipja foton, duke pranuar kështu se ka qenë ajo në atë foto.
Madje në rrjete sociale po qarkullojnë foto në të cilat shihet Bearti dhe Tea duke u puthur në buzë, duke treguar kështu të gjitha ato çfarë Shqipja ka thënë deri më sot janë të vërteta.
Madje motra e Beartit ka publikuar një video në të cilën shihet Tea dhe djali nga Kosova brenda në një dhomë.
Tea dhe Bearti nuk kanë bërë ende asnjë reagim, edhe pse fotot e tyre kanë marrë dhenë. Pritet të shohim në orët në vijim se çfarë shpjegimi do të japin të gjithë protagonistët të përfshirë në këtë ngjarje pas publikimit të këtyre fotove.
