Të vrasin natën e as nuk të qajnë ditën! 40 ditë nga krimi ndaj rojes, “Top Channel” bën të harruar aktin me gjasa më të madh terrorist të 30 viteve të fundit! Produksion e konkurrentë festuan finalen e “Big-ut” nga festa në festë.
Turpin e parë të vazhdimit të reality show-t fill pas vrasjes së rëndë, televizioni kombëtar , produksioni i “BBV” dhe konkurrentët e hëngrën me bukë, e kështu po bëjnë edhe me turpin e dytë.
I ndjeri Pal Kola mbushi 40 ditë nga vdekja, por akti terrorist u bë i harruar nga qeveria, nga televizioni kombëtar i shitur tek politika, u bë i harruar nga Policia që ende s’ka zbardhur krimin, nga banorët e “BBV” që festuan 5 minuta pasi u përlotën. Madje, u bë i harruar edhe nga vetë publiku!
Festa vazhdoi paturpësisht në “Top Channel” dhe finalja e “Big Brother” iu dedikua “pronarit” të Top Channel, Erion Veliajt, që zuri Prime Time për të bërë fushatën e tij zgjedhore, duke “martuar” për kamerat Luizin që të fitojë ca vota më shumë.
Asnjë fjalë më tepër për Pal Kolën e pafajshëm në krye të detyrës në “Top Channel”, që u shuajt nga plumbat e ngjyrosur me politikë e pazare të pista aksionesh.
Më e rëndësishme se jeta e të ndjerit të dergjur në dhe, që familja e vajton, për lali Euron dhe televizionin kombëtar të shitur, janë gjithmonë shifrat (klikimet dhe paratë).
Më e rëndësishme se jeta e secilit prej nesh, janë postet qeveritare e vëmendja mediatike, që ngrihet mbi gjak të pafajshëm të personit të cilin e “fshinë nga ekzistenca” 40 ditë pasi i morën jetën!
