Të famshmit shkëlqyen në tapetin e kuq të ceremonisë së çmimeve “People’s Choise Awards”. Jennifer Lopez ishte ajo që bëri bujë me një fustan të zi në formë sirene dhe u rendit si një ndër femrat e veshura më bukur.
Ikona 47-vjeçare e muzikës pop, dukej tepër mbretërore me fustanin e zi Reem Acra, koleksioni Pranverë-Verë 2017 dhe pjesën e bustit prej argjendi që shkëlqente. Me flokët e lidhura bisht, JLo kishte gjetur aksesorët perfektë për të kombinuar me fustanin, një palë vathë të gjatë argjendi dhe unaza.
Një tjetër femër e veshur bukur që spikati në tapetin e kuq, ishte aktorja Blake Lively, e cila kishte zgjedhur një fustan të zi që shkëlqente të Elie Saab. Ajo i çuditi të gjithë me linjat e paslindjes dhe këmbët e tonifikuara që ekspozoi edhe pse ka vetëm pak muaj që ka sjellë në jetë vajzën e dytë. Shlfetoni galerinë për të famshmet që u veshën më bukur në “People’s Choice Awards”.
