Këngëtarja e njohur, Ronela Hajati është një ndër artistet më të njohura në vendin tonë.
Por edhe pse duket gjithmonë sikur jeta e saj shkon vaj, ajo ka dëshmuar gjatë një interviste të dhënë së fundmi se jo çdo gjë që duket është e vërtetë. Këngëtarja ka hapur zemrën dhe ka rrëfyer për episodet e vështira që i është dashur të kalojë.
“Unë jam e fortë. Kam kaluar momente që njerëzit nuk i dinë as edhe nuk do i dinë ndonjëherë. Kam qenë aq keq sa kam thënë si do ec jo më si do shfaqem, por përsëri kam dalë sikur nuk ka ndodhur asgjë. Viti 2020 edhe vazhdimi i 2021, mund të them që 2020 dhe 2015 kanë qenë vite të tmerrshme për mua.
Jo vetëm nga fakti i pandemisë, por nga shumë gjëra që ndonjëherë të tronditet jeta dhe ti nuk e pret fare. Gati e tillë po vazhdon por, të kemi shëndet kjo ka rëndësi.
Është e vetmja gjë që unë i lutem zotit, nëse unë kam shëndet i bëj të gjitha. Të gjithë duhet të luten para që të flenë që të kenë shëndet, se nuk ka si jeta. E tillë është jeta, arrin një moment kur thua nuk ke cfarë bën dhe do vazhdosh do e shtysh”, është shprehur Ronela.
