Që prej dasmës së Justin Bieber më 30 shtator, ku Kylie Jenner u shfaq e pashoqëruar nga partneri, Travis Scott, në rrjet po përflitet se dyshja është ndarë.
Burime pranë çiftit kanë treguar se Kylie dhe Travis po jetojnë të ndarë, mirëpo po kujdesen që të kalojnë të dy mjaftueshëm kohë me të voglën e tyre, Stormi-n.
U tha se ndarja e tyre ishte e përkohshme dhe secili po merrte kohën e tij për të reflektuar, mirëpo duket se gjërat qenkan më keq se kaq!
Sipas mediave të huaja, arsyeja e vërtetë e ndarjes mund të jetë tradhëtia e Travis, i cili që prej vitit 2011 është në një marrëdhënie me një modele Instagrami.
Madje, pak kohë më parë ajo publikoi në Instastory një foto ku tregonte se Kylie i kishte bërë block. Pra, ajo la të kuptohet se 21-vjeçarja është në dijeni të marrëdhënies së Travis me modelen.
“Sa herë në ditë më bllokon dhe më zhbllokon vajzë?”- shkruante ajo duke iu drejtuar Kylie-t.
Mediat e huaja shkruajnë se gjatë gjithë kësaj kohe, reperi nuk i ka shkëputur marrëdhëniet me modelen, gjë e cila ka çuar në ndarjen me Kylie Jenner.
Megjithatë, ende nuk dihet se ç’do të ndodhë me çiftin dhe nëse ndarja e tyre është përfundimtare, apo do t’i shohim sërish në krahët e njëri-tjetrit.
