Anëtarja e Autoritetit të Mediave Audiovizive (AMA), Suela Musta ka propozuar sot një paketë lehtësuese për televizionet, median e shkruar dhe ato online në situatën e krizës nga koronavirusi.
Në kushtet kur situata e epidemisë po rëndohet dhe janë raportuar shkurtime në stafin e televizioneve dhe mediave, Musta propozon subvencionime të qeverisë për mediat audiovizive, portaleve online dhe gazetave për pagat e stafeve mediatike; heqjen e taksave të pushtetit lokal që rëndojnë mbi biznesin e medias si dhe trajtimin e çështjes së pagesave të pezulluara të gazetarëve pas kësaj etape.
Propozimi vjen pas thirrjes së vazhdueshme të iconstyle.al për mbështetjen e mediave nga qeveria, roli i të cilave është i nevojshëm më shumë se kurrë në këtë periudhë. Ndonëse të pagëzuara me emrin “kazan” nga kryeministri, mediat janë të vetmet biznese që vazhdojnë non-stop punën e tyre, përpos industrisë ushqimore, farmaceutikës dhe bankave.
Aktualisht mediat në vendin tonë po reduktojnë stafet deri në 70%, në pamundësi për t’i paguar dhe përjashtimi i tyre nga vendimi i qeversë përbën “një akt të pastër ndëshkues dhe penalizues për bukën dhe jetesën e gazetarëve dhe familjeve të tyre”, sipas një njoftimi të Unionit të Gazetarëve. (Lexo këtu)
Propozimet e anëtares së AMA-s:
Tarifat e përvitshme të licencës për transmetime analoge dhe për shërbim programet audio dhe audiovizive në një rrjet rajonal numerik (ku përfshihet tarifa e lartë RTSH për transmetimin digjital, si dhe të gjitha tarifat e tjera që paguhen tek AMA për vitin 2020 nga operatorët audiovizivë, të shihet mundësia e uljes së tyre në një masë të konsiderueshme të pagesës dhe të shtyhet afati i shlyerjes së tyre, deri në një njoftim të dytë.
2 – Subvencionime të qeverisë për mediat audiovizive, portaleve online dhe gazetave për pagat e stafeve mediatike, ( gazetarë operatorë montazhierë ) të hiqen taksat e pushtetit lokale që rëndojnë mbi biznesin e medias deri në një temë e veçante që duhet të trajtohet në këtë forum është çështja e pagesave të pezulluara nga gazetarëve pas kësaj etape.
3- AMA të ngrejë urat e komunikimit me autoritetet tatimore dhe doganore për:
minimizimin e tatimeve mbi reklamat, tatim fitimin, pagesat e sigurimeve shoqërore ,
pezullimin e pagesave te qirave shtetërore dhe
rishikimin e tarifave doganore për pajisjet dhe logjistikën e e transmetimeve audiovizive
4- Të zhvillohet një platformë online, diskutimesh të hollësishme me administratorët, pronarët , kryeredaktorët botuesit, gazetarë dhe ekspertët e komunikimit për përballimin e krizës financiare të shkaktuar nga epidemia.
Me pjesëmarrjen e TV kombëtare lokale, platformave dixhitale, tv kabllore, IPTV etj.
5- Të mos vihet asnjë sanksion me gjobë ndaj OSHMA deri të paktën në fund të Qershor të 2020 ( afat i parashikuar dhe për mbylljen e dixhitalizimit ), vetëm raste tejet flagrante të shkeljes së etikës të parashikuara në Kodin e Transmetimit
6- Gjobat e vendosura gjatë këtyre dy muajve në pamundësi ndoshta për t’u aministuar, të përgjysmohen dhe pagesat e tyre te shlyhen pas sezonit veror.
7- Të shihet mundësia e grandeve apo donacioneve , si nga pushteti lokal apo ai qendror përmes institucioneve, si dhe nga e organizativet ndërkombëtare për mbështetjen e televizioneve lokale ( m.q.s ato janë subjekte të pafuqishme ekonomike)
