Gara ishte e fortë, por sipas një sondazhi të kryer nga organizata “Elite Singles” rezultoi se pronarët e qenve janë më tërheqës se ato të maceve.
Kjo organizatë vendosi të anketojë 1000 persona beqarë dhe pyetja ishte e thjeshtë; cilët/cilat ju duken më seksi, personat që mbajnë një qen, apo ata që mbajnë një mace?
Rezultati ishte bindës në favor të kafshës së parë. 63 për qind e të intervistuarve thanë se u dukeshin më seksi personat që mbanin një qen në krahasim me ata që mbanin një mace.
18 për qind ishin për të kundërtën, ndërsa 19 për qind nuk preferonin as qenin dhe as macen, e jo më t’u dukeshin tërheqës të zotët e tyre.
72 për qind e të anketuarve u shprehen se mund ta kuptojnë më mirë karakterin e të dashurit ose dashurës nga mënyra sesi trajton një kafshë shtëpiake.
Ndërkohë 32 për qind thanë se ishin të gatshëm të hiqnin dorë nga partneri ose partnerja nëse nuk pëlqente qentë, ndërsa 27 për qind pohuan të njëjtën gjë për macet.
