Festivalet shqiptare vihen shpesh në qendër të vëmendjes dhe të kritikave nga shikuesit, për stonimin e këngëtarëve apo detajet e mangësisë së skenave.
Këto gabime gjatë performancës së artistëve, nuk bëhen dhe dëgjohen vetëm në skenat shqiptare, por edhe në ato të huajat.
Moderatori i njohur shqiptar, Ardit Gjebrea, ka pikasur disa raste kur artistët e mëdhenj italianë, nuk e përmbyllën performancën e tyre në formën e duhur gjatë festivalit të “Sanremo”-s, mbrëmjen e së martës.
Gjebrea postoi foton e këngëtares së njohur Giorga, që sipas tij ka stonuar.
“Jo gjithmonë të mëdhenjtë janë në formë, por jo në Sanremo! Aty nuk mundet asnjë firo!”, shkruan në një postim në Insta Story Arditi, për të vijuar në një tjetër kritikë për Achille Lauro-n: “Dhe mos më thoni sa stonojnë këngëtarët tanë”.
Ndërsa prej vitesh prezanton “Këngën Magjike”, por nga ana tjetër është një artist i muzikës shqiptare, Ardit Gjebrea duket se e ka parë edhe me syrin e kritikës spektaklin italian.
Por ai ka dhe komente pozitive, veçanërisht për regjinë, ndriçimin dhe fotografinë!
Burimi: Instagram
