Prej disa kohësh, konkurrentja e “Për’puthen”, Ledjana, po akuzohet nga persona jashtë emisionit si dhe nga konkurrentët brenda, që ka të dashur jashtë emisionit.
Madje, thuhet se i dashur i Ledjanës ndodhet jashtë vendit dhe është i burgosur.
“Kryefjala” publikoi dy ditë më parë disa mesazhe të cilat thuhej se ishin të Ledjanës dhe partnerit të saj jashtë emisionit, teksa ky i fundit i kërkonte të linte “Për’puthen” dhe ta ndihmonte të dilte nga burgu. Ndërkohë, në mesazhe Ledjana i përgjigjej se po bënte thjesht lojë në emision dhe nuk i pëlqente vërtetë Mevlani.
Këtë lajm e ripostoi opinionisti Olti Curri në InstaStory-n e tij, duke shkruar:
“Ledjana, vajza e parë që shfaq ndjeshmëri aty, me lekët e Giveaway do nxjerrë të dashurin nga burgu. Unë do marr pjesë tek loja e saj.”
Story-n e Oltit e ripostoi edhe konkurrentja, e cila megjithëse është prekur më herët për akuzat, duket se tashmë e ka marrë me sportivitet situatën.
“Merrni pjesë të gjithë se është tepër e rëndësishme”- shkruan ajo.
Sot, Ledjana ka publikuar një tjetër foto të një bisede që po qarkullon në rrjet, duke bërë sërish ironi me mesazhet e dërguara në emrin e saj.
“Sapo zbulova që ish-i im quhet Xhoni. Meqenëse për zgjedhjen e burrit nuk më pyetët, të paktën të më kishit pyetur për emrin.”- ka shkruar konkurrentja, duke lënë të kuptohet se asgjë që po qarkullon në rrjet nuk është e vërtetë.
Kur askush nuk e priste, Ledjana dhe Mevlani shkëmbyen puthjen e parë në buzë gjatë takimit të tyre të fundit.
Puthja ishte konfirmim për pëlqimin e dyanshëm, por ata theksuan se nuk ndihen ende gati të deklarohen për njëri-tjetrin.
View this post on Instagram
