Pas 6 vitesh bashkë ata janë sërish një çift shumë i lumtur. Ndërsa e kanë mbajtur lidhjen jashtë vëmendjes së publikut, 51-vjeçari Jamie Foxx dhe 40-vjeçarja Katie Holmes u dalluan në publik duke ecur për dore, si rrallëherë.
Çifti shoqërohej nga vajza e aktorit, 25-vjeçarja Corinne, me të cilën shijuan një darkë dhe më pas shkuan në kinema.
Kjo është hera e parë që çifti fotografohet bashkë me një prej pjesëtarëve të familjes, duke treguar se marrëdhënia e tyre është shumë serioze.
Nga fotot e publikuara nga “Daily Mail”, të tre dukeshin shumë të gëzuar në praninë e njëri-tjetrit, ndërsa dalloheshin duke qeshur dhe duke biseduar.
“Ata e mbajnë romancën private për të mbrojtur pjesën tjetër të familjes (fëmijët). Shumicën e rasteve ata takohen pa fëmijët e tyre”, ka thënë më herët një burim.
Kate ka një vajzë 12 vjeçe, Suri, nga martesa e saj me aktorin Tom Cruise, ndërsa Jamie ka dy vajza, Corinne dhe Annalise, nga lidhjet e tij të mëparshme.
Burimi: Daily Mail
