Arilena Ara nuk është nga ata personazhe që kërkon vëmendje të vazhdueshme, sepse në ato pak raste kur shfaqet merr gjithë dashurinë e publikut. Këto kohë ajo ka qëndruar disi e distancuar dhe postimet në rrjete sociale kanë qenë vërtetë shumë të rralla. Megjithatë duket se këtë kohë larg rrjeteve ajo e ka shfrytëzuar për të punuar dhe ndoshta për t’u rikthyer këtë vit fuqishëm në muzikë.
Ditën e sotme këngëtarja ka ndarë në Instagram dy foto të saj, në të cilat shihet duke punuar në një studio muzikore. Këngëtarja nuk ka dhënë asnjë lloj detaji, duke i lënë fotot që të flasin vetë. Menjëherë pas postimit kanë vërshuar edhe komentet e fansve të këngëtares, që po presin me padurim të dëgjojnë zërin e saj në një këngë të re.
View this post on Instagram
Kënga e fundit që Arilena ka realizuar ka qenë një bashkëpunim me Alban Skënderaj me titull “Ai sheh”. Ky projekt muzikor ishte dueti i parë që dy artistët realizuan me njëri-tjetrin, diçka që fansat e tyre po e prisnin prej kohësh.
Kështu kjo këngë u përqafua menjëherë nga publiku, jo vetëm për shkak të zërave të bukur të Arilenës dhe Albanit, por edhe për mesazhin e fuqishëm që përcjellë. Duke ju kënduar bukurive të natyrës dhe jetës, dyshja e aristëve ju dhanë motivim e forcë gjithë njerëzve në një kohë të vështirë pas një viti të gjatë në pandemi.
