“Sa më pak të dish aq më mirë do të jesh!” Thënia është e vjetër, por tashmë e mbështet edhe shkenca. Nëse çdo ditë nuk bëjmë gjë tjetër veçse mendojmë, marrim sa më shumë informacione, bëjmë plane për të ardhmen, ndoshta është më mirë që të mësojmë t’i dorëzohemi ‘armikut’: injorancës.
Pikërisht ky është çelësi i lumturisë, sipas studimit të Australian National University: “Vetëm injoranca mund të na dhurojë lumturinë e vërtetë.
“Për të shijuar lirinë personale e keni të domosdoshme të mos njihni disa aspekte të jetës, qoftë asaj të tashme, qoftë së ardhmes! Nëse do të dije se si do të jetë e ardhmja jote, me siguri që vendimet e tua që tani për të ardhmen do ndikoheshin”, pohoi studimi.
Kurioziteti dhe kreativiteti ngacmohen te ne pikërisht për të mbushur boshllëqet që kemi. “Ka gjithmonë diçka të cilën e shpërfillim, të mos ishte kështu nuk do të kishim asgjë për të zbuluar!”- shtoi studiuesi Michael Smithson.
