Ish-banorja e “Big Brother”, e cila vendosi më pas të hynte në botën e modelingut, tashmë flet për të fshehtat e kësaj fushe.
Elena Lika ishte e ftuar në emisionin “Wake Up”, ku ka folur për karrierën e saj dhe jo vetëm.
E pyetur se çfarë mendon për atë që thuhet shpesh, se modelet e suksesshme bëjnë gjithçka për famën, duke qenë kështu edhe eskorta të pasanikëve, Elena u përgjigj:
“E kam thënë edhe në një moment, intervistë tjetër se ka një ndryshim shumë të madh mes modeleve profesioniste, të “Instagram”-it dhe atyre të vetëshpallura.”
Pra me pak fjalë, Elena sqaroi se një modele e mirë nuk ka nevojë të bëjë gjëra të tilla për të fituar famë.
Gjithashtu modelja ka treguar edhe për shumën më të madhe që ka marrë për një set të vetëm fotografik.
“Nëse e menaxhon mirë veten, ose ke një menaxher të mirë si modele, e në qoftë se di ti menaxhosh edhe lekët mirë, mund të jetosh edhe mire. Pagesat mbi 1000 euro për një set”.
