Si është të jesh e martuar me Bes Kallakun?
Kjo ishte pyetja e parë që iu bë Xhensilës sapo shkeli sot në studion e “BE Coffee”.
Kolegët e Besit, Olsi dhe Erioni donin të dinin gjithçka për martesën e tyre dhe Besin si bashkëshort dhe Xhensila nuk zhgënjeu me përgjigjen:
“Është martesë bio, s’ka pesticide. Ka vetëm dashuri, ka ndonjëherë keqkuptime. Besi është bio”, u shpreh ajo.
Këngëtarja më pas tregoi edhe gjërat që e bezdisin te Besi dhe ashtu siç e theksoi “nuk ka një gjë, por janë shumë gjëra”.
“Ti i di shumë mirë, ti i di shumë mirë zemër, jemi një familje. Besi ka një fjalë që më nxihet jeta sa herë e përdor: ‘1 sek’. 1 sekondë për gjithçka që i zgjat 24 orë. Duhet të ndërrojmë pelenen e Ajkës: 1 sek! Duhet të bëjmë qumëshitn e vajzës: 1 sek!”, u shpreh Xhensila dhe prisni se ka akoma.
Teshtima e Besit është kthyer problematikë sa herë vënë vajzën në gjumë, madje ka filluar dhe Ajka t’i ngjajë e të teshtijë 5 herë rresht.
Ajo solli dhe një video në studio, që tregonte momentin kur Besi ndente rrobat në shtëpi, për të ndihmuar Xhensilën e cila në atë kohë ishte në muajin e 9-të të shtatzënisë. Më pas Besi tregoi gjithashtu se ka asistuar edhe në lindjen e vajzës, dhe madje i ka prerë kërthizën Ajkës.
Xhensila foli edhe për sakrificat e Besit për të dhe familjen e saj: “Që nga moment i parë që jam takuar me Besin, ka qenë në çdo studio”, u shpreh ajo ndërsa në ekran u shfaq një moment kur Besi mbante këmbët e regjisorit Eduart Grishaj i cili po filmonte videoklipin e Xhensilës i hipur në një dritare”.
Xhensila tha gjithashtu për herë të parë se ka ndryshuar edhe mbiemrin e saj për hir të dashurisë duke marrë të bashkëshortit.
