Kryeministri Edi Rama ka kujtuar gafën e madhe të Erion Veliajt, i cili i quajti të gjithë djemtë shqiptarë “zdromsa” në një intervistë me Dojna Memën para dy vitesh.
Gjatë inspektimit të sotëm në një banesë të rikonstruktuar nga tërmeti, kreu i qeverisë i kujtoi Veliajt deklaratën e tij për djemtë shqiptarë, dhe u mundua ta justifikojë kur tha se “e di unë për kë e ke”.
Pasi e këshilloi të mos bëjë batuta të tipit, ‘je e bukur’, ‘je e mirë’, Rama i sugjeroi Veliajt të mos e përdorë më këtë shprehje, pasi nuk janë të gjithë djemtë si ata “zdromsat” që njeh.
PJESË NGA BISEDA
Veliaj: Gëzuar princesha! Gëzuar! Po që je më e bukur se ajo atje. Je më e bukur se Frozen.
Rama: Mos hyr me këtyre, ‘je e bukur’, ‘je e mirë’! Se na more në qafë me atë që the se; të gjitha çunat janë zdrosma. Të janë qepur të gjithë ty si ‘zdroms’. Mos i hyr më këtë muhabeti. Se na ngatërron kot.
Veliaj dhe të tjerët qeshin
Rama: Çunat janë të mirë, gocat janë më të mira. Po jo zdromsa? E di unë për ça e ke ti, që s’na u ndanë zdromsat, por nuk janë të gjithë si ata.
Asokohe Veliaj, kur u pyet për gjininë e fëmijës që priste Ajola tha shprehimisht:
“Isha aq i lumtur sa nuk e mendova fare këtë pjesën djalë, vajzë. Tipikisht, vajzat në Shqipëri janë shumë të ftilluara, çunat shqiptarë janë zdromsa komplet. E kam seriozisht! Ajo që vë re tipikisht në Ballkan, por edhe në Shqipëri është që meshkujt, ngaqë llastohen shumë kur janë të vegjël, bëhen shumë më të pazotë kur rriten. Shifini kafet e Tiranës në mëngjes, janë të mbushur plot me çuna. Varen me një karrige dhe ti thua me vete, më fal, ku u lodh që tani kur sapo është zgjuar nga gjumi. Dita s’ka filluar mirë. Vajzat janë ndryshe. Ndoshta i ka bërë jeta, ose ngaqë angazhohen me punë në familje, por vajzat shqiptare, unë e shoh në punë janë shumë më besnike, të përkushtuara dhe i bëjnë gjërat me më shumë dashuri…”- shprehet Veliaj.
Video min 5:50
