Kur mbajtja e një diete strikte ushqimore, lodhja në palestër apo ndërhyrjet e komplikuara kirurgjikale nuk janë një opsion, humbja drastike në peshë mund të duket si diçka e pamundur për personat mbipeshë. Por, përpara se të humbni të gjitha shpresat, duhet të dini se një zgjidhje ka dhe është më optimalja që kushdo mund të kërkonte. Bëhet fjalë për dobësimin nëpërmjet balonit gastrik, një procedurë tërësisht inovatore që në Tiranë realizohet nga ekspertët e klinikës “Dermolife”, ku dhe shumë personazhe të njohur të artit në Shqipëri janë drejtuar për të gjetur zgjidhje për mbipeshën.
Emra të njohur si Julian Deda, Fifi, Gent Zenelaj etj. i janë nënshtruar pikërisht kësaj procedure për të pasur më tej rënie drastike në peshë dhe në një bashkëbisedim me drejtuesen e klinikës “Dermolife”, dr. Lida Hoxha, mësuam atë çka fillimisht na u duk e pabesueshme.
E gjithë procedura nuk zgjat më shumë se 15-20 minuta, nuk ka absolutisht dhembje dhe nuk ka asnjë kundërindikacion! Por në çfarë konsiston ekzaktësisht dobësimi me balon gastrik?
Sikurse na shpjegoi dr. Hoxha, baloni gastrik është një pajisje e sigurt në formë tollumbaceje të butë që vendoset në stomakun e pacientit duke zënë një pjesë të madhe të tij, sigurisht pas një konsulte të gjatë e tën detajuar me ekspertët e klinikës. Por ndryshe nga sa mendohet gjerësisht, kjo procedurë nuk kryhet nëpërmjet kirurgjisë, çka do të thotë se nuk konsiderohet operacion.
Baloni vendoset në stomak nëpërmjet një sonde gastrike, sikurse ajo që përdoret në një ekzaminim të zakonshëm stomaku (gastroskopi) dhe pasi është vendosur në stomak, mbushet me ujë fiziologjik. Por nëse togfjalëshi “sondë gastrike” ju bën t’ju ngrihen qimet përpjetë, atëherë mund të rrini të qetë sepse e gjithë procedura kryhet në sedacion të pjesshëm dhe jo anestezi.
Në këtë mënyrë çdo pacient, pas 15 minutave gjumë, nis rrugëtimin drejt një trupi jo vetëm më elegant, por edhe më të shëndetshëm, duke qenë se mbipesha njihet si një kërcëimin i madh për mirëqenien e trupit njerëzor.
Pas vendosjes së balonit, që në “Dermolife” kryhet nga mjeku italian dr. Gianmarco Serafini, pacienti e ndjen menjëherë diferencën. Oreksi për të ngrënë bie ndjeshëm dhe ndjesia e ngopjes vjen më shpejt, duke reduktuar në këtë mënyrë sasinë e ushqimit të konsumuar, por pa ndjesinë e urisë që shoqëron përgjithësisht dietat drastike.
Në bazë të karakteristikave të pacientit, baloni gastrik mbahet nga 6 deri në 12 muaj dhe siç na shpjegon dr. Lida Hoxha, rezultatet janë mbresëlënëse. Që në muajin e parë, pacientët humbasin nga 5 e madje deri në 10 kg dhe duke qenë se me kalimin e kohës stomaku dhe trupi përshtatet me regjimin e ri të të ngrënit, edhe pas heqjes së balonit në fund të trajtimit, pacienti vijon të konsumojë ushqim me të njëjtin ritëm, çka do të thotë se efekti i kësaj procedure vijon edhe pas përfundimit të trajtimit.
Baloni Gastrik është ndër procedurat më inovatore dhe më të kërkuara për rënien e shpejtë dhe të sigurt në peshë dhe përveç personave që ia drejtohen kësaj procedure për qëllime estetike, janë të shumtë dhe ata që zgjedhin këtë metodë për shkak të problemeve shëndetësore ekzistuese ose potenciale, që lidhen me mbipeshën. Për këtë arsye “Dermolife”, një prej klinikave më të mirënjohura në kryeqytet, ka sjellë në Tiranë mjekë të specializuar për këtë procedurë, për t’u garantuar pacientëve të saj shërbim dhe rezultate maksimale.
