Studentët kanë paralajmëruar për një protestë masive të hënën, duke iu bërë thirrje të gjithë qytetarëve tu bashkohen në orën 10 para Kryeministrisë.
Sinjali i parë për një bashkim kombëtar u dha këtë të shtunë, teksa protestës iu bashkuan banorët e Astirit, minatorë dhe qytetarët që kërkojnë uljen e çmimit të karburanteve.
Ata i bëjnë thirrje çdo kolegu, pedagogu, mësuesi dhe prindi që të bashkohen në marshimin e tyre drejt Kryeministrisë.
Sipas tyre, këtë herë nuk do të jetë thjesht një protestë studentore, po kombëtare dhe e fortë.
DEKLARATË E KËSHILLAVE STUDENTORË
Njoftohet se nesër Dt: 16/12/2018 në orën 10:00 do të mblidhemi në fakultetet përkatëse dhe në orën 11:00 do të nisim marshimi sensibilizues.
Marshimi do të bëhet drejt Kryeministrisë dhe në orën 11:30 fillon protesta për plotësimin e kërkesave të bëra me dije nga Këshillat Studentorë.
Ditën e Hënë me datë 17/12/2018 në orën 11:30 deri në orën 14:30 do të bëhet protesta KOMBËTARE e studentëve Shqiptarë.
I BËJMË THIRRJE ÇDO STUDENTI, PEDAGOGU, MËSUESI, PRINDI, QYTETARI TË NA BASHKOHET NË KËTË KAUZË TË DREJTË E CILA PO HEDH BAZAT E NJË ARSIMI CILËSOR PËR NE DHE BREZAT NË VAZHDIM ! Faleminderit.
Përfaqësues i Këshillave Studentorë Kryetar i Këshillit Sudentor Fakulteti i Shkencave të Natyrës XHULJAN GUÇE
