Që prej muajit korrik, Dj Sardi është kthyer në kryefjalën e mediave pas konfirmimit të romancës së tij të re me një vajzë ende misterioze për publikun.
Ai i habiti të gjithë me një foto romantike në bregdet, ku tregonte se po kalonte karantinën së bashku me partneren.
Madje, në një intervistë Sardi tregoi se ata kanë 12 vite që pëlqehen me njëri-tjetrin, ndërsa ai i ka dhuruar edhe një unazë si një premtim që i ka bërë partneres se do ta dojë përgjithmonë.
Sardi na la të gjithëve të dyshojmë se mund edhe të jetë martuar, ndërkohë që identitetin e vajzës në fjalë vazhdon ta fshehë.
Por, kësaj here ai e bëri zemrën gur dhe vendosi të mos na fshehë të paktën portretin e saj.
Në InstaStory, Dj ka ndarë për herë të parë portretin e vajzës që i ka vjedhur zemrën, teksa qëndronin të dy përballë njëri-tjetrit në restorant.
Bjondja bukuroshe shfaqet me një gotë verë në dorë, ndërsa Sardi ka vizatuar në postim një zemër të kuqe.
Duhet ta pranojmë, janë një ndër çiftet më të ëmbël dhe shkojnë shumë me njëri-tjetrin!
