Kylie Jenner po sigurohet që të jetë në qendër të vëmendjes me pushimet e fundit në një restort luksoz në Canyon Point, Utah, ku sigurisht nuk është vetëm!
Ajo shoqërohet nga miqtë e saj Anastasia ‘Stassie’ Karanikolaou, Harry Hudson dhe miku i vjetër që çuditërisht është kthyer në fiksimin më të fundit të fanseve femra të Kylie-t, Fai Khadra.
https://www.instagram.com/p/CCSEILgJ99-/
Djaloshi simpatik është prej kohësh shok me motrat Jenner, dhe madje e kemi parë shpesh në fotot e Kylie-t apo Kendall-it.
Por një foto e fundit në profilin e Kylie-t, e cila u fshi më pas nga 22-vjeçarja, i bëri të gjithë të mendojnë se diçka po zihet! Kylie pozoi krah mikut të saj Fai, fotoja mori shumë pëlqime dhe më pas e fshiu atë papritur!
Kjo nuk është hera e parë që modeli palestinez dhe themeluesja e Kylie Cosmetics, kanë kaluar kohë së bashku. Në festën e ditëlindjes së Diddy-t në dhjetor, Kylie ndau një fotografi me Khadra dhe i bëri tag edhe motrës së saj në postim.
“Po zihemi?”, i komentoi Kendall pasi motra e vogël i vodhi shokun për një natë.
Pushimet e fundit mes Kylie-t dhe Khadra po ndodhin disa ditë pasi një burim i tha Us Weekly se ylli i “Keeping up with the Kardashians” dhe ish- i dashuri i saj Travis Scott “nuk do kthehen së bashku”.
https://www.instagram.com/p/CCZnc2MnK06/
Reperi i “Sicko Mode”, 28 vjeç, ka “ende shpresë se ka një shans që ata të pajtohen”, e megjithatë ende nuk i dihet.
Khadra, nga ana e tij, ka qenë mik për një kohë të gjatë me motrat, veçanërisht Kendall, e cila u ka dhënë fund thashethemeve për një romancë mes tyre, në më shumë se një rast.
Pra për momentin, nuk ka vend për panik!
