Tirana dje dëgjoi dhe këndoi “rock”, ndërsa njerëzit mbushën sallën e “Pallatit të Kongreseve”.
Të gjitha këngët e Redonit, Eltonit dhe Aleksandër Gjokës i dimë përmendësh.
Të famshëm apo jo, prindër dhe të rinj, për pothuajse 3 orë rresht ishin fansat e çmendur të “Tre Musketjerëve”, të cilët kanë bërë histori në muzikën shqiptare.
Personazhet publik nuk ngurruan që të publikonin video, ose të dilnin live përgjatë shfaqjes në “Instagram” e ndërsa Aurela Gaçe u vetëquajt “fanse e çmendur” e të treve.
Pas koncertit të 15 majit, “Tre musketjerët” do të vijojë me koncerte të tjera nëpër Shqipëri, Prishtinë dhe vendet fqinjë të Evropës.
